英超：傷翼飛唔起攻力削 曼聯殘陣益晒賓福特_東方日報
2026-04-27
今輪英超壓軸戰，曼聯主場硬撼賓福特。「3哥」曼聯備受傷停問題困擾，加上前5位置都幾穩陣，鬥心反而唔及力爭下屆歐洲賽席位嘅賓福特，不妨捧「蜜蜂仔」讓球客勝（+1）。（Now 621及611周二凌晨3時直播）文:法達斯維
隨住阿士東維拉日前輸畀富咸，曼聯現時跟利物浦、維拉同分，不過打少1場下壓住佢哋穩居第3位，並領先第6位白禮頓8分，前5嘅下屆歐聯入場券應該冇甩拖，搶分壓力相對較低。而且「紅魔」亦有自身問題，儘管哈利馬古尼刑滿復出，但其拍檔利辛度馬天尼斯因上訴失敗，維持原判停賽3場，要繼續坐波監，今仗要拍住小將艾登希雲扼守中路，防守點都有啲牙煙。
蜜蜂仔搏命爭歐戰資格
除此之外，曼聯上仗險勝車路士1比0，不過雙翼麥比奧莫及一箭定江山嘅馬菲奧斯根夏都喺嗰場受傷，有指兩人今仗仍會候命，但麥比奧莫就未必可擔正倒戈，事實上呢位射手自從2月後就未有入波或助攻，狀態麻麻，今仗好有可能先任後備。何況「紅魔」近5仗贏得2場，唔好睇得佢哋咁高。
賓福特依家排第9位，只落後白禮頓2分同般尼茅夫1分，仍有機會爭下屆歐洲賽參賽資格，加上「蜜蜂仔」防線一向硬淨，各項賽事近7仗法定時間取得1勝6和未輸過，箭頭伊戈泰亞高呢7仗更入咗6粒，腳風奇順，加上賓福特近4次對曼聯，只係輸咗1次，防線頂得兩嘴，相信今仗至少拎到1分，有得受讓咁着數，必捧讓球客勝（+1）。
隨住阿士東維拉日前輸畀富咸，曼聯現時跟利物浦、維拉同分，不過打少1場下壓住佢哋穩居第3位，並領先第6位白禮頓8分，前5嘅下屆歐聯入場券應該冇甩拖，搶分壓力相對較低。而且「紅魔」亦有自身問題，儘管哈利馬古尼刑滿復出，但其拍檔利辛度馬天尼斯因上訴失敗，維持原判停賽3場，要繼續坐波監，今仗要拍住小將艾登希雲扼守中路，防守點都有啲牙煙。
蜜蜂仔搏命爭歐戰資格
除此之外，曼聯上仗險勝車路士1比0，不過雙翼麥比奧莫及一箭定江山嘅馬菲奧斯根夏都喺嗰場受傷，有指兩人今仗仍會候命，但麥比奧莫就未必可擔正倒戈，事實上呢位射手自從2月後就未有入波或助攻，狀態麻麻，今仗好有可能先任後備。何況「紅魔」近5仗贏得2場，唔好睇得佢哋咁高。
賓福特依家排第9位，只落後白禮頓2分同般尼茅夫1分，仍有機會爭下屆歐洲賽參賽資格，加上「蜜蜂仔」防線一向硬淨，各項賽事近7仗法定時間取得1勝6和未輸過，箭頭伊戈泰亞高呢7仗更入咗6粒，腳風奇順，加上賓福特近4次對曼聯，只係輸咗1次，防線頂得兩嘴，相信今仗至少拎到1分，有得受讓咁着數，必捧讓球客勝（+1）。