客軍防線欠集中 町田半場速搶紅鑽_東方日報
2026-08-23
今日日職獨腳戲，町田澤維亞主場迎戰浦和紅鑽。町田澤維亞一向係急先鋒，撞正初段例唔集中嘅浦和紅鑽，必定先發制人，半場主勝捧得過。（無綫82台周日晚6時30分直播）文:法達斯維
客軍防線欠集中
町田澤維亞確係一支神奇球隊，2024年升班首季即獲季軍，上季雖然稍稍下滑至第6位，但殺入亞冠盃決賽，鬥到加時輸波屈居亞軍，可謂超額完成。嚟到今季，町田澤維亞一開咧即強勢跑出，頭2輪聯賽接連擊敗FC東京同千葉市原，更加狂轟9粒，而且2仗均於上半場已取得領先，非常搶韁。
相反，浦和紅鑽開咧頭2場輸晒狂失8粒，攻守都唔掂，表現曳到冇朋友。事實上，連同之前用嚟「攝期」嘅百年構想聯賽在內，紅鑽近5仗聯賽輸4場，而呢4次均喺上半場已經落後，反映出佢哋經常喺比賽初段後防唔夠集中，未企穩陣腳就畀對手率先攻陷，太早失波焗攻又益晒對手打反擊，衰多兩錢重，加上近2次碰頭，町田澤維亞都係半場領先，由頭贏到尾，首選半場主勝，進取啲不妨捧埋「半全場」主主。
客軍防線欠集中
町田澤維亞確係一支神奇球隊，2024年升班首季即獲季軍，上季雖然稍稍下滑至第6位，但殺入亞冠盃決賽，鬥到加時輸波屈居亞軍，可謂超額完成。嚟到今季，町田澤維亞一開咧即強勢跑出，頭2輪聯賽接連擊敗FC東京同千葉市原，更加狂轟9粒，而且2仗均於上半場已取得領先，非常搶韁。
相反，浦和紅鑽開咧頭2場輸晒狂失8粒，攻守都唔掂，表現曳到冇朋友。事實上，連同之前用嚟「攝期」嘅百年構想聯賽在內，紅鑽近5仗聯賽輸4場，而呢4次均喺上半場已經落後，反映出佢哋經常喺比賽初段後防唔夠集中，未企穩陣腳就畀對手率先攻陷，太早失波焗攻又益晒對手打反擊，衰多兩錢重，加上近2次碰頭，町田澤維亞都係半場領先，由頭贏到尾，首選半場主勝，進取啲不妨捧埋「半全場」主主。