水手主場特醒做主角 鹿角賽程密讓波擇使_東方日報
2026-11-12
日聯盃8強首回合大戰，橫濱水手主場硬撼鹿島鹿角。水手一向靠主場搵食，乘住鹿角近況有回落迹象，必定藉地利搶先機，仲有得受讓咁筍，讓球主勝「+1」咪錯過。
（無綫myTV SUPER周三晚6時直播）文:法達斯維
水手今季表現回勇，聯賽、日聯盃及日皇盃都有穩定演出，最近先後在盃賽及聯賽擊敗廣島三箭及川崎前鋒，各項賽事已經連續14仗未輸過，非常硬淨。而且水手主場出擊特醒，開咧後8仗主場未輸過，其中近5次取得4勝1和佳績，日前聯賽迎戰岡山綠雉如果唔係打少1個，隨時主場5連勝而非和波，證明佢哋喺主場威力唔講得笑，今仗梗係想食住個勢，先聲奪人。
鹿角賽程密讓波擇使
鹿角當然絕非善男信女，但同水手只係應付國內賽事相比，鹿角要出戰強度更高嘅亞冠精英盃，賽程頻密下戰績跌Watt，各項賽事近6仗只得2勝2和2負，其中近2仗更加食白果，包括日前聯賽打多1個下，仍然淨吞FC東京兩蛋，明顯有疲態，何況佢哋更重視亞冠精英盃，日聯盃未必搏盡。加上鹿角各項賽事近7仗作客，贏得1場咁大把，好難擊敗主場特醒嘅水手，受讓嘅水手讓球主勝「+1」有計，進取啲可揀主勝。
（無綫myTV SUPER周三晚6時直播）文:法達斯維
水手今季表現回勇，聯賽、日聯盃及日皇盃都有穩定演出，最近先後在盃賽及聯賽擊敗廣島三箭及川崎前鋒，各項賽事已經連續14仗未輸過，非常硬淨。而且水手主場出擊特醒，開咧後8仗主場未輸過，其中近5次取得4勝1和佳績，日前聯賽迎戰岡山綠雉如果唔係打少1個，隨時主場5連勝而非和波，證明佢哋喺主場威力唔講得笑，今仗梗係想食住個勢，先聲奪人。
鹿角賽程密讓波擇使
鹿角當然絕非善男信女，但同水手只係應付國內賽事相比，鹿角要出戰強度更高嘅亞冠精英盃，賽程頻密下戰績跌Watt，各項賽事近6仗只得2勝2和2負，其中近2仗更加食白果，包括日前聯賽打多1個下，仍然淨吞FC東京兩蛋，明顯有疲態，何況佢哋更重視亞冠精英盃，日聯盃未必搏盡。加上鹿角各項賽事近7仗作客，贏得1場咁大把，好難擊敗主場特醒嘅水手，受讓嘅水手讓球主勝「+1」有計，進取啲可揀主勝。